أقسى قصيدة حب

القسوة مطلوبة

احيانا نحتاجها ... قد يقسو المحب على من احب ...!!

وقد ....... تكون قسوة غير ....... لا اطيل بين ايديكم التفاصيل

ابقوا معي
.
.
.
.

لا جيت ابنسى واتراجـع واسامحـك
صاحن جروحي واشتكن لي طعونـك

كلك خيانـه قـول وشلـون ابمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـول .. لاتـغـرك إلحـونـك

اللي تقوله صح لـو كنـت جارحـك
(مير) انت غارق للاسف في ظنونـك

وصفك نسيته بس .. باقي ملامحـك
بنهيك وانهـي بالنهايـه .. جنونـك

ماتستحـق امـد (كفـي) واصافحـك
مثلك غلط عمري وابحيـا .. بدونـك

لعبـت دورك شاهـداتٍ مسـارحـك
خدعتني واظهرت خافـي فنونـك !!

كنت اعتقد قلبي هو ابـرز مطامحـك
اللي يبيع النـاس .. لجلـه يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. ابمسحك
هديت صرحك ثـم طاحـت ركونـك

ولابي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب ترتجيني .. اسامحك
بهديك طعنه .. مـن بقايـا طعونـك


(للعالم القصيدة لااعلم من هو كاتبهاا) وجب التنويه

تسلميلنا ياعسل عالقصيده المعبره بمعنى الكلمة

يعطكم الف عافيه على مروركم