البارحه جاني من الحب مرسال

السلام عليكم أخواني أخواتي بما اني اول مره اشارك في هذا القسم جبت لكم اليوم
شي حلو وممتع وانشاء الله يعجبكم اليكم القصيده:
البارحة جاني من الحب مرسال ** من عقب مابيني وبينة خصيمه
وانا ترى في الحب مانيب فعاّل ** ولا بعد ولّع قلبي هشيمه
ولابعد غّنيت في ساعه وصال ** ولابعد ذقت الفراق وجحيمه
ولاجرى دمعي على الخد همّال ** ولابعد جربت مر الهزيمه
حتى وردني تالي الليل جوال ** وانا على شاهي وبسكوت ديمه
الرقم بايخ لكن الصوت قتّال ** كنه مثل صوت المذيعه حليمه
قالت مساء الخير ياطيّب الفال ** قلت ارحبي ترحيبة مستديمه
بالعود والصفري ودله وفنجال ** واجبك يابنت الأصول الكريمه
ردت بضحكة ثم قالت وش الحال؟ ** قلت اشهد إن الحال عقبك سقيمه
قالت وهي تضحك بعد مثل الأطفال ** وانا بعد كني بدونك يتيمه
من يوم قالت تزلزلت زلزال ** من فجعتي كني مسوي جريمه
قلت ارفعي الصوت ترى مابه ارسال ** كذاب لكن المصيبه عظيمه
قالت أقول أسمع ترى هرجنا طال ** ممكن تصاحبني تراني وسيمه
واسمي الحقيقي أول حروفه الدال ** لكن يسمّوني البنات الزعيمه
صحيح أحب الفخفخه وأعشق المال ** لكن تراني طاهرة مستقيمه
ماعندي امغازل ولا لعب يهّال ** ماعندي إلا في الشرف والحشيمه
بس بصراحه قلبي لشوفتك مال ** وأصبحت وحدك جالسٍ في صميمه
فكّر بعقلك واترك القيل والقال ** واحذر تطيع أهل العقول العقيمه
وارسل علي اللحين خمسمية ريال ** أشحن بها جوال أختي غنيمه
أو طقم غالي فيه خاتم وسلسال ** أروح به في عرس ولا عزيمه
قلت الحقيقة مانيب رجل أعمال ** ولاني بتّاجر والموارد عديمه
أنا الصراحة شبة عطّال بطّال ** وعلاقتي بالفقر جداً حميمه
والراتب الله يرحم الحال مازال ** محدود والمصروف ربي عليمه
والدين بلآلاف والبنك شغاّل ** ياكل فلوسي باربا والظـليمه
والسوق طايح والغلا ضيّق البال ** والموت والله صاير أكبر غنيمه
قالت تحمّل بس والحمل ينشال ** خلك شديد البأس صلب العزيمه
ياخي تصّرف جعلك أتصير نشّال ** أهم شي إن النوايا سليمه
لابد تفهمني على كل الأحوال ** مادمت من أهل العقول الفهيمه
قلت إيه والله فاهم اللي على البال ** لكن ترى هذي علينا قديمه
يابنت هذا صاير اليوم موال ** للي تبي تلعب على ابن اللئيمه
يابنت ماتدرين كم فيه محتال ** يلعب على الحبلين وانتي غشيمه
يابنت كم جاهله دمعها سال ** من عقب ماجات العواقب وخيمه
والبنت لاأقفى عرضها بيد الأنذال ** والله مايبقى لها أي قــيمه
قالت تبي ولا فخلّك على جال ** مهوب ناقصني نصايح حكيمه
عز الله أنك للأسف منت رجّال ** وإنك قليل الذوق مافيك شيمه
يالعنبو اللي مايسطّرك بنعال ** حتى يعلمــك الغزل يابـهيمه
(تفو) عليك وصكّت الخط في الحال ** مدري (تفو) هي مدح ولا شتيمه

تقبلوا تحياتي
أخوكم عاشق كحله

يعطيكم الف عافيه ومشكورين على المرور الحلو على قلبي
وترقبوا الجديد ...
دمتم في خير..

كتيير كتييير حلو اختيارك للموضوع

وأنا بستنى جديدك الأحلى

أوووووكــي